«Башҡортостан ҡыҙы» журналына яҙылайыҡ!»

Журнал редакцияһы «Башҡортостан ҡыҙы» журналына яҙылайыҡ!» флешмоб-эстафета иғлан итә.Ваҡытлы матбуғатҡа яҙылыу тамамланыуға бара. COVID-19 пандемияһы гәзит-журналдарҙың киләсәген билдәләгән был мөһим кампанияны әүҙем алып барырға ирек бирмәй. 27 ноябргә ҡарата «Башҡортостан ҡыҙы» журналына ни бары 1497 кше яҙылған. Был бик әҙ. Беҙгә ҡуйылған план буйынса – 4500 дана. Әгәр эштәр былай барһа, баҫмабыҙ бик ауыр хәлдә ҡала, уның киләсәге тураһында һорау ҡуйылыуы ла ихтимал.Хөрмәтле әхирәттәр,ҡәҙерле дуҫтар! Әйҙәгеҙ, «Башҡортостан ҡыҙы» журналына яҙылайыҡ!» флешмоб-эстафетаһын дәррәү күтәреп алайыҡ.

Уның шарты үтә лә ябай:

ауыл ҡатын-ҡыҙҙар советы ағзалары, ағинәйҙәр журналға аҙыла, бергәләп видеоға төшә һәм уны редакцияға [email protected] электрон адрес буйынса ебәрә;

эстафетаны күрше өс ауылдың ҡатын-ҡыҙҙар советына, ағинәйҙәр ҡорона тапшыра. Ауылдар, исемләп, видеояҙмала атап үтелә.

Флешмоб-эстафетаға хеҙмәт коллективтары, бер урамда йәшәүселәр, ут күршеләр ҡушылһа, уны артабан тапшырһа, республикала сыҡҡан берҙән-бер ҡатын-ҡыҙҙар баҫмаһына ҙур ярҙам һәм терәк булыр ине.

Дөйөм көс менән «Башҡортостан ҡыҙы» журналының тиражын күтәрәйек! Ил төкөрһә, күл була, тип юҡҡа әйтмәй бит халҡыбыҙ.

Журналға һеҙ:

https://rbsmi.ru/catalog/podpiska/ порталы аша;

баҫма редакцияһында;

Рәсәй Почтаһы бүлексәләрендә яҙыла алаһығыҙ.

Ярты йылға яҙылыу хаҡы – 628 һум 08 тин.

Бергә булдыҡ, бергә ҡалайыҡ, дуҫтар!

Читайте нас: