Хөрмәтле матбуғат һөйөүселәр!

2021 йылдың беренсе яртыһына ваҡытлы матбуғат баҫмаларына яҙылыу тамамланыуға бара. Һуңлап ҡалмайыҡ, «Башҡортостан ҡыҙы» журналына яҙылырға ашығайыҡ! Журнал һеҙҙе киләһе йылда ла сағыу һәм ҡыҙыҡлы мәҡәләләре, фәһемле яҙмалары, файҙалы кәңәштәре менән ҡыуандырыр, ил инәләре, заман ҡыҙҙары тураһында һөйләр.Беҙҙең баҫмаға яҙылып, иҫтәлекле бүләктәр ота алаһығыҙ. Бының өсөн редакцияға квитанция күсермәһен ебәрегеҙ. Һеҙҙе электр сәйнүге, ит турағыс, блендер, мультиварка һәм бүләктең иң күркәме – «Башҡортостан ҡыҙы» журналы логотибы төшөрөлгән сәйнүк көтә!

Шулай уҡ республика гәзит-журналдары үткәргән «Яҙыл һәм от!» акцияһында ла ҡатнаша алаһығыҙ.

Бының өсөн «Башҡортостан ҡыҙы» журналынан тыш, тағы бер баҫмаға яҙылырға кәрәк.

Был акция сиктәрендә бүләккә ноутбук, телевизор, һыуытҡыс, электр самокаты, ҡарҙан таҙартҡыс һәм шулай уҡ уникаль приздар: «Салауат Юлаев» хоккей клубы уйынсыларының автографтары менән уйын джерсилары, «Өфө» футбол клубының уйынсылары автографтары менән футболкалар уйнатыла.

Матбуғатҡа яҙылыуҙы һеҙ:

https://rbsmi.ru/catalog/podpiska/ порталы аша;

гәзит һәм журналдар редакцияларында;

Рәсәй Почтаһы бүлексәләрендә эшләй алаһығыҙ.

Квитанцияларҙың күсермәһен һәм акцияла ҡатнашыу өсөн заявканы (исем-шәрифегеҙҙе, телефонығыҙҙы күрһәтеп) 2021 йылдың 15 ғинуарына тиклем Өфө ҡалаһы, Октябрҙең 50-йыллығы урамы, 13 адресы буйынса «Башҡортостан Республикаһы» матбуғат йортона, йәки [email protected] электрон почтаһына «Яҙыл һәм от!» билдәһе менән ебәрегеҙ. Икенсе нөсхәһен «Башҡортостан ҡыҙы» журналының [email protected] электрон почтаһына адресларға онотмағыҙ.

Приздар 2021 йылдың 27 ғинуарында «Сәләм» телетапшырыуында уйнатыла. Ә «Башҡортостан ҡыҙы» бүләктәрен отоусылар хаҡында айырым хәбәр ителәсәк.

Бергә булдыҡ, бергә ҡалайыҡ, дуҫтар!

Журналға ярты йылға яҙылыу хаҡы – 628 һум 08 тин.

Читайте нас: