Һайлау барышында теркәлгән дәғүәләр анализланды

"Һайлау-2018" Йәмәғәт матбуғат үҙәгендә үткән сираттағы брифинг һайлау барышында теркәлгән, күҙәтеүселәрҙән, һайлаусыларҙан ҡабул ителгән дәғүәләрҙе анализлауға арналды. Уның эшендә БР Йәмәғәт палатаһы рәйесе Панчихина Ольга Юрьевна , уның урынбаҫары Ғәлин Олег Сергеевич, "Рәсәй адвокаттары гильдияһы"ның БР буйынса коллегияһы президиумы рәйесе Аббасов Валерий Османович ҡатнашты. Улар Башҡортостандағы һайлау участкаларында үтә ҙур тәртип боҙоуҙарҙың теркәлмәүен, килеп тыуған дәғүәләрҙең башлыса урындарҙа уҡ хәл ителеүен билдәләне.