+18 °С
Дождь
Аллаһ бәрәкәте
17 Марта 2022, 03:31
Бәраәт кисе
Шағбандың 15- се көнө алдынан мосолмандар үҙҙәре һәм әруахтар рухына бағышлап, Аллаһы Тәғәләнән ярлыҡау доғалары уҡып үткәрә. “Йәсин” сүрәһен уҡып, мәрхүмдәрҙе иҫкә ала. Аллаһы Тәғәлә йылына бер мәртәбә, тап ошо көндә, түбәнге күккә төшә һәм ҡолдарының доғаларын тыңлай. Ярлыҡау һорағандарҙың иң лайыҡлыларына алдағы йылға бәхет һәм бәрәкәт бирә. “Бәраәт кисе – изгелектәр өсөн ҙур мөмкинлектәр бирелгән ҙур бүләк”, - ти Мөхәммәт пәйғәмбәр. Бөтә бәндәләрҙең алдағы бер йылға ейер ризығы, мал-мөлкәте, дәрәжәләре, тыуасаҡ, фани донъянан китәсәк көндәре – бөтәһе лә ошо кистә билдәләнә.
Бәраәт кисе
“Шәғбан айының 14-нән 15-нә ҡарай был кисендә япраҡтарына әле ерҙә йәшәгән һәр кемдең исем-шәрифтәре яҙылған тормош ағасы тетрәнеп, япраҡтары ҡойолор ҙа, исемдәре шул япраҡтарҙа яҙылғандар йыл дауамында фани донъянан әхирәткә күсеп китер. Ә йәшәп ҡалғандарҙың яҙмышы фәрештәләр иғтибарына ейер ризығы, бәндәләрҙең байлыҡ йәки ярлылыҡ хәлдәре, тормоштағы төрлө дәрәжәләре, был донъяға киләсәк һәм китәсәк бәндәләр - бөтәһе лә был кистә билдәләнеп ҡуйылыр”, - тиелә.
