+30 °С
Облачно
75 лет Победы
Бөтә яңылыҡтар

Морондоҡ атай, морондоҡ әсәй

    Элек-электән башҡорт халҡы милләттең киләсәген  йәш быуында кургән. Шуға күрә, булған тәжрибәһенә таянып, балалаларҙы тәрбиәләүгә ҙур иғтибар менән ҡараған. Иң беренсе -  йәш ғаиләгә бала үҫтереүҙә ярҙам итер өсөн, килен төшөрөр алдынан, морондоҡ атай менән морондоҡ әсәй(ирле-ҡатынлы кешеләрҙән) билдәләнгән

Морондоҡ атай, морондоҡ әсәй

Йышырағын баш ҡоҙа менән баш ҡоҙағый был бурысты үҙ өҫтәренә алған.  Морондоҡ атай менән морондоҡ әсәй, йәш ғаиләнең үҙ ата-әсәләренән ҡала, туғанлыҡта икенсе урынды алып торған. Морондоҡ атай менән морондоҡ әсәй буласаҡ әсәне, ә аҙаҡ баланы  үҙ хәстәрҙәренә алған, уға төрлөсә ярҙам итеп килгән.

Морондоҡ әсәнең ир бала тыуғас әйткән һамаҡтары:

Балаһы бар, маҙаһы бар, -

Бер уҫлаптай улы бар.

Йылтыр-йылтыр күҙе бар,

Әҙәм төҫлө һыны бар.

Балаһы бар-ҡото бар,

Һикертерлек һыны бар.

Тьфү-тьфү күҙенә,

Күҙ теймәһен үҙенә.

Ҡыҙ бала тыуғас әйтелгән һамаҡтар:

Балаһы бар, маҙаһы бар –

Бер ай һынлы ҡыҙы бар.

Йылтыр-йылтыр күҙе бар,

Бөтә кеше ҡыҙығыр.

Балаһы бар – ҡыҙы бар,

Ҡыҙы барҙың – наҙы бар,

Тьфү-тьфү, наҙы юҡ,

Күҙ төшөрлөк ере юҡ. (Салауат Галин)