Стопкоронавирус.рф сайты эшләй башланы

Рәсәйҙә коронавирус (COVID–19) инфекцияһы менән бәйле хәл тураһында халыҡҡа даими мәғлүмәт биреп барыу маҡсатында стопкоронавирус.рф сайты асылды. Интернет-порталда илдә һәм донъяла һалыуҙың таралыуы, уны профилактикалау буйынса инструкция бирелә. Шулай уҡ граждандар өсөн махсус ҡыҙыу бәйләнеш телефонының номеры ҡуйлған. Ул – 8 800 2000 112.

Бөтә донъя һаулыҡ һаҡлау ойошмаһы мәғлүмәттәре буйынса, 16 мартҡа ҡарата ер йөҙөндә 13 874 сирле асыҡланған. Вирусты йөрөтөүселәр 151 дәүләт биләмәһендә табылған. Барлығы 7415 кеше һалыуҙан үлгән. Рәсәйҙә 114 кеше ауырыу йоҡторған, үткән тәүлектә илдең 15 төбәгендә вирус йөрөтөүселәр асыҡланған, тип хәбәр итә РБК медиахолдингы үҙенең сайтында. Башҡортостанда коронавирусҡа бәйле хәл тотороҡло. Республиканың һаулыҡ һаҡлау министры Максим Забелин бөгөн иртәнге брифингта белдереүенсә, 18 мартҡа иртәнге сәғәт 8-гә ҡарата мәғлүмәттәргә ярашлы, Башҡортостанда 48 кеше, короновирус йоҡтороуҙа шикләнеп, стационарға урынлаштырылды, уларҙың араһында 8 бала бар.

Коронавирусҡа ҡағылышлы мәсьәлә буйынса 8(347) 279-91-20 һәм 8(347) 286-58-27 телефондары буйынса мөрәжәғәт итергә мөмкин.

Автор:Рәсүл Байгилдин

Читайте нас: