Рәсәй хәрби-тарихи йәмғиәтенең Башҡортостандағы төбәк бүлексәһе республикала “Башҡортостандың бөйөк Еңеүгә индергән өлөшө” тигән халыҡ-ара ғилми-ғәмәли конференция үткәрергә тәҡдим иткәйне. Республика етәксеһе Радий Хәбиров, тәҡдимде хуплап, форум уҙғарыу тураһында бойороҡҡа ҡул ҡуйҙы.
Сараға әҙерләнеү һәм уны уҙғарыу буйынса ойоштороу комитеты төҙөлдө. Ул министрлыҡтар, ведомстволар етәкселәренән, ғалимдарҙан тора. Комитет рәйесе итеп Башҡортостан Башлығы Хакимиәте етәксеһе урынбаҫары Урал Килсенбав билдәләнде.
Ойоштороу комитетына сараға әҙерләнеү һәм уны уҙғарыу буйынса план төҙөү, раҫлау эше йөкмәтелде. Хөкүмәткә форумды үткәреүгә бәйле сығымдарҙы финанслау сығанаҡтарын билдәләү бурысы һалынды.