Февраль – Башҡортостандың халыҡ шағиры Рәми Ғарипов тыуған ай

Ҡыҫҡа ғына ижад ғүмерендә “Башҡортостан ҡыҙы” журналында ла эшләп өлгөргән, уның яуаплы сәркәтибе булған шағир республикала ҡатын-ҡыҙҙар баҫмаһын аяҡҡа баҫтырыуға тос өлөш индерҙе. Журнал ветерандары хәтерләүенсә, ул осорҙа баҫма тирәләй ижад кешеләренең күп булыуы, уның коридорында арҙаҡлы яҙыусы-шағирҙарҙың йөрөүө Рәми мөхите менән бәйле. Үҙенең эргәһендәгеләргә һәр ваҡыт итәғәтле, ярҙамсыл һәм тигеҙ мөнәсәбәттә булыуы менән хәтерҙә ҡалған ул.