“Ҡоро закон” үҙ көсөнә инде

Башҡортостан Дәүләт Йыйылышы-Ҡоролтай рәйесе Константин Толкачев, уҙған йылдарҙы анализап, араҡы менән ағыуланыу осраҡтары тап 3 ғинуарға тура килгән, тип билдәләне. Бында ялған эсемлектәрҙе эсеү генә түгел, ә саманан тыш ҡулланыу осраҡтары ла инә. Тап байрам көндәрендә айырым райондар һәм ҡалаларҙа суицид, ауыр енәйәт ҡылыу осраҡтары арта.

3 ғинуар сауҙала спиртлы эсемлектәр бөтөнләй һатылмай, ә 4 – 6 ғинуарҙа һатыу ваҡыты сикләнә. Шулай уҡ был көндәрҙә ялған араҡы һатыусыларҙың нөктәләренә лә иғтибар көсәйтелә.

Халыҡтың ялын саралар менән байытыу маҡсатында, урындарҙа мәҙәни-спорт сараларын күберәк үткәреү тәҡдим ителгән.