Электән ҡатнашыусы булараҡ, төрлө йылдарҙа Гран-при һәм призлы урындар алған “Сармат” ансамбле был юлы бәйгенең дипломы һәм махсус статуэткаһына лайыҡ булды. Ансамбль 2007 йылда барлыҡҡа килгән. Ул төрлө йылдарҙа “Студент яҙы” фестиваленең еңеүсеһе була. Коллективтың репертуарында “Аҡбуҙат”, “Гөлнәзирә”, “Питрәч таҡмаҡтары”, “Башҡортостан йәшлеге”, “Елән”, “Ҡыҙҙар байығы” һәм башҡа хореография композициялары ла бар. Бөгөнгө көндә ансамблде Гүзәл Әсәҙуллина етәкләй.