«Сәләм» телеканалы исем туйына саҡыра

13 ноябрҙә Ишембай ҡалаһының мәҙәниәт һарайында республиканың яңы «Сәләм» телеканалының исем туйы үткәрелә. Шул уңайҙан ойошторолған тантаналы сарала башҡорт эстрадаһы йондоҙҙары «Zainetdin» этношоу төркөмө, Башҡортостандың халыҡ артисы Ғәзим Ильясов, халыҡ-ара һәм республика конкурстары лауреаттары Зилиә Бәхтиева, Рәфис Ишбаев ҡатнаша.

Сарала «Сәләм» логотипы менән күп төрлө приздар уйнатыла. Шулай уҡ мәҙәниәт һарайының фойеһында «Сәләм ебәр» тигән мобиль төркөм эшләйәсәк. Иң үҙенсәлекле сығыштар телеканал эфиры аша күрһәтелә.

Осрашыу ваҡытында, алдан яҙылыу буйынса «Сәләм» телеканалының партнерҙары – медицина фәндәре докторы, профессор Индира Сәхәүетдинова етәкселегендәге «Рәсәй тимер юлдары-медицина» клиник дауаханаһының табибтары – балалар офтальмологы, хирург, кардиолог, невролог, проктолог һәм гинеколог ҡабул итеү ойоштора.

«Сәләм» телеканалы Башҡортостан ҡалалары һәм райондарындағы муниципаль телестудияларҙы һаҡлап ҡалыу өсөн ойошторолған. Яңы телеканалда урындағы студияларға биш сәғәтлек эфир, шул иҫәптән ул прайм-тайм ваҡыты бирелә. «Сәләм» республиканың эре кабель операторы һәм интернет сервистарында эфирға сыға. Ул 2019 йылдың 11 октябрендә, Сибай ҡалаһында тәүге эфирын башланы.

«Сәләм»дең киләһе исем туйы 22 ноябрҙә, Дүртөйлө ҡалаһында, үткәрелә.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?