Иң яҡшы башҡорт бейеүенә – Башлыҡтан бүләк

Республика башлығы Радий Хәбиров Башҡортостандан ситтә һәм шулай уҡ төбәгебеҙҙә сит ил ҡунағы менән башҡарылған башҡорт бейеүенә приз вәғәҙә итте. Ул Фәйзи Ғәскәров исемендәге дәүләт академия халыҡ бейеүҙәре ансамбле иғлан иткән флешмобты күтәреп сыҡты:

«Беҙҙең бейеүселәр сит илдәрҙең төрлө иҫтәлекле урындарында сығыш яһауҙы модаға индерҙе. Улар бер кемгә лә ҡамасауламай, киреһенсә урындағылар бейеүселәрҙе төшөрә, шатланып ҡарай. Шулай булғас, иң яҡшы башҡорт бейеүенә мин шәхси приз иғлан итәм. Бейеүегеҙҙең һылтанмаһын ебәрегеҙ»,– тип яҙҙы ул үҙенең сәхифәһендә.

«Башҡорт бейеүен бейе» тигән флешмоб йылдың сентябрь айында башланды. Проектта ҡатнашыу өсөн башҡорт бейеүен башҡарып уны ошо хэштег #танцуюбашкирскийтанец #учубашкирскийтанец. менән интернетҡа һалыу зарур. Әле профессионалдар һәм үҙешмәкәрҙәр башҡарыуында «Гөлнәзирә» бейеүе күрһәтелде.

Читайте нас: