+13 °С
Ясна
Антитеррор
Бөтә яңылыҡтар
2 Октябрь 2019, 10:38

Башҡортостан өсөн мөһим темалар ҡаралды

26-27 сентябрҙа Өфөлә үткән ШОС һәм БРИКС илдәренең кесе һәм урта бизнес вәкилдәре бишенсе тапҡыр йыйылды. 30 илдән килгән өс меңгә яҡын эшҡыуар, журналист, иҡтисад белгесе донъя кимәлендәге мәсьәләләр тикшерҙе, анализланы, тәҡдимдәр индерҙе.Саранан бер көн алда конгресс-холлда кесе һәм урта эшҡыуарлыҡты үҫтереү буйынса федераль корпорация түңәрәк өҫтәлдәр ойошторҙо. Бында ауыл хужалығы кооперацияһын үҫтереү, 223-се федераль законға ярашлы тауар һатып алыуҙа ҡатнашыу мәсьәләләре ҡаралды.

Форумда Башҡортостан өсөн мөһим байтаҡ темалар ҡаралды. Мәҫәлән, урындағы иҡтисадҡа шәхсән инвестициялар йәлеп итеү, ғаилә һәм социаль эшҡыуарлығын үҫтереү, интернет аша урындағы тауарҙы һатыуҙы киңәйтеү, дәүләт менән идара итеү эшенә йәштәрҙе ылыҡтырыу, ШОС һәм БРИКС дәүләттәрендә бизнес алып барыуҙы хәүефһеҙ итеп ойоштороуҙың мөһимлеге һыҙыҡ өҫтөнә алынды.
Читайте нас: