Халыҡ һанын иҫәпкә алыу буйынса “түңәрәк өҫтәл” үтте

Республика статистика хеҙмәтендә киләһе йылда үтәсәк халыҡ һанын иҫәпкә алыу буйынса “түңәрәк өҫтәл” үтте. 2020 йылдың октябрь айында үтәсәк мөһим сараға теүәл бер йыл бар. Әммә Башҡортостандың дәүләт статистика хеҙмәте әҙерлек эшен күптән башлаған, тип белдерҙе ойошма етәксеһе Әкрәм Ғәниев.

Халыҡ һанын иҫәпкә алыу мөһим дәүләт программалары әҙерләү, илдең социаль-иҡтисади хәлен анализлау, халыҡтың милләтен һәм башҡа характеристикаларын белеү өсөн кәрәк.

Киләһе халыҡ һанын иҫәпкә алыуҙа, башҡаларҙан айырмалы рәүештә, интернет һәм һанлы технологиялар киң ҡулланыласаҡ. Мәҫәлән, иҫәпкә алыусылар планшеттар менән тәъмин ителәсәк, теләгән граждандар үҙе һәм ғаиләһе хаҡында мәғлүмәтте дәүләт хеҙмәте сайтында тултыра ала.

Читайте нас: