Башҡортостанда спорт, социаль сәйәсәт һәм мәҙәниәт өлкәләрендә ниндәй үҙгәрештәр көтөлә?

Вазифаға инеү тантанаһында сығыш яһап, Республика башлығы Радий Хәбиров 2025 йылға тиклем үҙенең эш стратегияһы һәм программаһы менән таныштырҙы.

Үҙгәрештәр спорт өлкәһенә лә ҡағыласаҡ. Атап әйткәндә:

• Волейбол, гимнастика, спорт көрәше үҙәктәре, ябыҡ футбол стадионы, бар муниципалитеттарҙа ла бассейндар төҙөләсәк.

• Олимпия резервы училищеһы асыласаҡ.

• Ауыл мәктәптәрендә уҡыусылар яҡшылап спорт менән шөғөлләнә алһын өсөн “Ауыл тренеры” проекты башланасаҡ.

Ә социаль сәйәсәт һәм мәҙәниәт өлкәһендә ошондай яңылыҡтар көтөлә:

• Эш хаҡы 1,5 тапҡырға артасаҡ.

• Хеҙмәт баҙары ихтыяждары бөтәсәк. Бының өсөн яңынан уҡытыу, шул иҫәптән оло йәштәгеләрҙе лә, профессиональ компетенцияларҙы үҫтереү ҡаралған.

• Үҙенсәлекле ололар, балалар һәм үҫмерҙәр өсөн республика реабилитация үҙәктәре төҙөләсәк.

• 30 көндөҙгө мәшғүллек үҙәге, республика ветерандар менән эшләү үҙәге асыласаҡ. Пенсионерҙарға социаль туризм менән шөғөлләнергә, яңы белем алырға мөмкинлектәр артасаҡ.

• 40 ауыл күп функциялы мәҙәниәт йорто, Өфөлә музыка һарайы, 10 яңы балалар сәнғәт мәктәбе төҙөләсәк.

• “Боронғо Өфө” археологик паркы һәм ”Атайсал – ата-бабаларыбыҙ ере” асыҡ һауалағы архитектур-этногеографик музей, Башҡортостандан ситтә урынлашҡан 7 яңы республика тарихи-мәҙәни үҙәге асыласаҡ.

• “Торатау” геопаркы булдырыласаҡ һәм ул ЮНЕСКО геопарктары глобаль селтәренә индереләсәк.

• Башҡортостан халыҡтарының туған телдәрен өйрәнеү һәм һаҡлауға шарттар булдырыласаҡ.

Читайте нас: