Радий Хабировтың һайлау алды штабы агитация сығымдары тураһында мәғлүмәт бирҙе

Башҡортостан Башлығы вазифаһына кандидат Радий Хәбировтың һайлау алды штабы агитация сығымдары тураһында мәғлүмәт бирҙе. Кандидаттың финанс буйынса ышаныслы кешеһе Максим Ульчев әйтеүенсә, төбәк етәксеһе вазифаһын ваҡытлыса башҡарыусы үҙенең һайлау алды кампанияһына 53 млн. һум аҡса сарыф иткән.

Был закон рөхсәт иткән сумманан дүрт тапҡыр самаһы аҙыраҡ. Аҡсаның күпселек өлөшө – 80 проценты – агитация материалдары өсөн тотонолған. Айырыуса иғтибар урамдағы рекламаға бирелгән. Әйтәйек, Өфөлә генә лә 40 баннер конструкцияһы ҡуйылған. Шулай уҡ реклама гәзиттәр таратылған, интернетта материалдар ҡуйылған.

Валерий Шахов фотоһы

Читайте нас: