Камил Буҙыҡаев: «Моғайын, бөгөн миңә илһам биреүсе сюжеттар булыр»

Билдәле рәссам Камил Буҙыҡаев берҙәм һайлау көнөн нисек үткәреүе хаҡында беҙҙең менән бүлеште: «Мин иртүк балаларым уҡыған 96-сы лицейҙа тауыш бирҙем. Башҡортостанда тыуғанмын, Өфөлә йәшәйем. Бынан бер ҡайҙа ла күсеп китергә йыйынмайым. Башҡортостандың буласаҡ башлығы ла республиканан китмәүе минең өсөн мөһим», — тине рәссам.

Мәктәптә бөгөн йәрминкә үтә, кеше күп, кәйефтәр һәйбәт, тине рәссам. «Һайлау кампанияһы барышын мин иғтибар менән күҙәтеп барҙым. Ошо ваҡыт эсендә 20-нән ашыу һүрәт төшөрҙөм, бер күргәҙмәлек, тип әйтергә була. Моғайын бөгөн миңә илһам биреүсе сюжеттар булыр», — ти Камил.

Камил Буҙыҡаев үҙенең карикатура эштәре менән билдәле рәссам. Һүрәттәрендә илдә һәм республикала барған үҙгәрештәр, медиаперсоналар сағылыш таба.

Ләйлә Аралбаева.

Читайте нас: