-10 °С
Ҡар
Антитеррор
Бөтә яңылыҡтар
8 Сентябрь 2019, 20:00

Башҡортостандағы һайлауҙар барышын федераль һәм төбәк матбуғатының йөҙәрләгән журналисы күҙәтә

Өфөлә “Һайлау төнө 2019” тигән матбуғат үҙәге эшләй башланы. Унда йөҙләгән журналист тура эфирҙа республикала һайлауҙар барышын күҙәтә. Көн дауамында Башҡортостан башлығы вазифаһына кандидаттарҙың, шулай уҡ федераль һәм төбәк эксперттарҙың сығышы бара.

Матбуғат үҙәгендә төбәк журналистарынан тыш, федераль баҫмаларҙың да хәбәрселәре эшләй. Улар ҡарамағына “Crown Plaza” ҡунаҡханаһында заманса медиа-үҙәк бирелгән.

Матбуғат үҙәге төнгө икегә тиклем эшләйәсәк. Уның программаһы бик көсөргәнешле. Спикерҙарҙың, республика башлығы вазифаһына кандидаттарҙың сығыштары һәм Башҡортостан Үҙәк һайлау комиссияһынан тура бәйләнештәр буласаҡ.

23 сәғәттән һуң экзит-пулда эшләгән хәбәрселәр һайлауҙарҙың тәүге йомғаҡтары менән таныштырыр.