Башҡортостан башлығы вазифаһына бөтә кандидаттар ҙа тауыш биреп бөттө

Был юғары вазифаға дәғүә итеүсе һигеҙ кандидаттарҙан иң тәүге булып һайлау участкаһына “Ғәҙел Рәсәй” фирҡәһенән Юрий Игнатьев килде. Ул журналистарға тулҡынланыуын әйтте. “Рәсәй пенсионерҙары социаль ғәҙеллек өсөн” партияһынан блогер Владимир Кобзев балалар филармонияһында тауыш бирҙе. Кандидат баш ҡала халҡының әүҙемлеген билдәләне.

Компартия лидеры Юнир Ҡотлоғужин һайлауҙарға ғаиләһе менән килде. Ул Нагаево ҡасабаһында тауыш бирҙе. Владимир Барабаш һайлауҙарға улдары менән шарҙар тотоп килде. Иван Сухаревты иһә тормош иптәше оҙатып йөрөнө. Ул бюллетенде урнаға һалғандан һуң, күҙәтеүселәр менән әңгәмәләште һәм ялғанлашыу осраҡтарын юл ҡуймаҫҡа саҡырҙы. Кандидаттар араһында берҙән-бер ҡатын-ҡыҙ Зөлфиә Ғайсина ла тауышын бирҙе. Ул артабан һайлау участкаларын йөрөп сығыу ниәтен белдерҙе.

Республика башлығына тағы бер кандидат Радий Хәбиров тормош иптәше Каринэ менән “Башҡортостан” концерт залында тауыш бирҙе. Шулай уҡ һайлауҙарҙа кандидаттарҙың сираттағыһы - Рәфис Ҡадыров та ҡатнашты.

Олег Яровиков фотоһы.

Читайте нас: