Һайлау-2019 һандар теле менән

Башҡортостанда 3434 участка һайлау комиссияһы эшләй. Һайлаусылар һаны - 3 млн 49 мең 501 кеше. Өфөлә - 790 мең 575 кеше. Барлығы 100 йәштән уҙған 277 һайлаусы теркәлгән. Быйылғы һайлауҙарҙа 38 мең йәш кеше тәүге тапҡыр үҙенең гражданлыҡ бурысын үтәйәсәк. Һайлаусылар араһында 30 йәшкә тиклемгеләр һаны яҡынса 200 мең кеше тәшкил итә.

“Мобиль һайлаусы” системаһы аша үҙенең йәшәгән урынынан ситтә тауыш биреү тураһында 37 мең 674 ғариза ҡабул ителгән.

“Госуслуги” порталы аша ғариза яҙған 181 кеше Башҡортостан Башлығын Мәскәүҙә һанлы һайлау участкаларында һайлаясаҡ.

Һайлау бюллетендәрен эшкәртеү комплекстары ярҙамында 334 мең 424 һайлаусы (10,97 процент) тауыш биреү мөмкинлегенә эйә.

Һайлау участкаларында йәмәғәт тәртибен 8 201 полиция һәм Росгвардия хеҙмәткәре һаҡлай. Бынан тыш уларға 640 шәхси һаҡ хеҙмәткәре ярҙам итә.

Читайте нас:

Новости партнеров