Хәрби һауа көстәре группировкаһы тупланды

Президент Владимир Путиндың ҡушыуы буйынса Оброна мининстрлығы көстәре Себерҙәге янғынды һүндереүҙә ҡатнаша, тип яҙғайныҡ инде. Хәрби-транспорт авиацияһының Ил-76 самолеттары Красноярск ҡалаһына 7 төбәктән килгән. Оборона министрлығы хәбәр итеүенсә, шулай уҡ янғын һүндереүҙә вертолеттар ҙа ҡатнаша. Улар Силәбе һәм Новосибирск өлкәләрендәге авиация базаларынан тәғәйен урынға осҡан.

Бөгөнгө көндә Красноярскийҙа һыу һибеү ҡулайламаһы менән йыһазландырылған 10 Ил-76 самолеттарынан һәм 10 вертолеттан торған хәрби-һауа көстәре группировкаһы тупланған. Летчиктар махсус әҙерлек үткән, төрлө төбәктәрҙә тәбиғи янғындар һүндереүҙә ҡатнашҡандар һәм был йәһәттән ҙур тәжрибә туплағандар.

Әле барлығы 2,7 млн. гектар ерҙә урман яна. Был - былтырғы ошо осор менән сағыштырғанда 12% күберәк майҙан. Дүрт төбәктә гәҙәттән тыш хәл режимы индерелгән. Бигерәк тә ҡатмарлы хәл Иркутск өлкәһендә, Красноярск крайында, Яҡут һәм Бүрәт республикаларында.

#ВладимирПутин

Читайте нас:

Новости партнеров

Был стипендия кемдәргә түләнә?

На уровне молекул

Яңа елда пособиеләр күпмегә артачак?