Радий Хәбиров Башҡортостан дауаханаларына 14 яңы күсмә медицина комплексы тапшырҙы

Яңы техника шулай уҡ Нефтекама, Стәрлетамаҡ ҡалалары, баш ҡаланың 13-сө һәм 21-се ҡала клиник дауаханаларына ла тапшырылды.

Халыҡҡа медицинаны яҡынайтыусы заманса комплекстар федераль аҡсаға һатып алынған. Рәсәйҙә етештерелгән был автомобилдәр иң төпкөл ауылдарға ла барып етәсәк, һәм ҡатмарлы һауа шарттары ла эшкә ҡамасау булмаясаҡ, тип көтөлә.

Күсмә фельдшер-акушер пункттары, флюорография һәм маммография кабинеттары урындарҙа профилактик медицина тикшереүе һәм диспансеризация үткәреү өсөн кәрәкле бар ҡоролмалар менән дә йыһазландырылған.

Сәләмәт булығыҙ!