Бөгөн донъяла Шәфҡәт туташтары көнө билдәләнә

Башҡортостандың Һаулыҡ һаҡлау министры шәфҡәт туташтарын һөнәри байрамы менән ҡотланы.

Бөгөн, 12 майҙа, донъяла Шәфҡәт туташтары көнө билдәләнә. Башҡортостандың һаулыҡ һаҡлау министры Айрат Рәхмәтуллин һаулыҡ һаҡлау системаһы хеҙмәткәрҙәрен һөнәри байрамы менән тәбрикләне. Республикала 23 835 шәфҡәт туташы эшләй, медицина хеҙмәттәренең ҙур өлөшөн тап шәфҡәт туташтары күрһәтә, тип билдәләне ул.

«Ҡәҙерле шәфҡәт туташтары! Һеҙҙе ысын күңелдән һөнәри байрамығыҙ менән ҡотлайым. Көн һайын республикабыҙҙың төрлө мөйөштәрендә башҡарған ғәйәт ҙур эшегеҙ өсөн рәхмәт белдерәм. Хеҙмәтегеҙ баһалап бөткөһөҙ. Беҙ үтә ҡатмарлы юғары технологик операциялар эшләй алабыҙ, ләкин һеҙ тейешенсә тәрбиәләмәй тороп, пациент һауыҡмай. Хәстәрлегегеҙ һәм иғтибарығыҙ заманса дарыуҙарҙың тәьҫирен тағы ла нығыраҡ арттыра», — тип, министр шәфҡәт туташтарына изге теләктәрен еткерҙе.

https://www.bashinform.ru/news/social/2023-05-12/glava-minzdrava-bashkirii-pozdravil-medsester-s-professionalnym-prazdnikom-3254937

Автор:

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?