+12 °С
Болотло
Антитеррор
Бөтә яңылыҡтар
Һуңғы яңылыҡтар
7 Декабрь 2022, 13:13

14 декабрь “Аҡмулла” спектакленең премьераһына рәхим итегеҙ!

2019 йылда Башҡортостан Республикаһы  Башлығы ҡарары менән 14 декабрь Башҡорт теле көнө тип иғлан ителде.  Туған телебеҙҙе  һаҡлау, яҡлау һәм үҫтереү маҡсатынан булдырылған был байрам бөйөк шағир-мәғрифәтсе, халҡыбыҙҙың аҫыл улы Мифтахетдин Аҡмулланың тыуған көнөнә бағышлана.

14 декабрь “Аҡмулла” спектакленең премьераһына рәхим итегеҙ!
14 декабрь “Аҡмулла” спектакленең премьераһына рәхим итегеҙ!

Аҡмулланың тормош һәм ижад юлына арналған сәхнә әҫәрҙәре әленән-әле театрҙарыбыҙҙа күрһәтелеп тора. 14 декабрь Мостай Кәрим исемендәге Милли йәштәр театры сәхнәһендә лә “Аҡмулла” спектакленең премьераһы була. Ул мәғрифәтсенең "Нәсихәттәр"енә – нәсихәттәргә, ҡобайырҙарға, шиғырҙарға, шулай уҡ 19-сы быуат аҙағы – 20-се быуат башы шағирҙарының ижад өлгөләренә яңыса ҡараш ташларға мөмкинлек биреүе менән үҙенсәлекле. Спектаклдең ҡуйыусы режиссеры БР-ҙың Ш.Бабич ис.дәүләт йәштәр премияһы лауреаты Рөстәм Хәкимов, ҡуйыусы рәссамы – Рөстәм Баймөхәмәтов, балетмейстеры – БР-ҙың Ш.Бабич ис.дәүләт йәштәр премияһы лауреаты Сулпан Асҡарова, композиторы – Вәсил Ғафаров, яҡтылыҡ буйынса рәссамы – Светлана Насонова. Спектакль башҡорт телендә рус теленә синхрон тәржемә менән бара.

Премьера көндәре – 14, 15 декабрь.

Автор:
Читайте нас: