Мария Решетникова – Мария Алексеева – Арылы Дуйдаах хәҙерге саха (яҡут) шиғриәтенең үҙенсәлекле аҫылташы. Һөнәре буйынса – табибә, Якутск ҡалаһында Милли медицина үҙәгендә эшләй. Ике шиғри йыйынтыҡ авторы. Ижады милли ерлекле, шул уҡ ваҡытта тәрән фәлсәфәүи булыуы менән ҡыҙыҡлы.
Сың-сың иткән күпме йыр мин йырланым,
Күктәр шаһит, һис кенә тик торманым!
Үргә тиеп шыуыштым да, тик бушҡа,
Шиғыр яҙып юлыҡтыммы табышҡа?
Ай тулғанда тулҡынланған күңелме,
Алтын епкә һүҙҙәр теҙеү еңелме?!
Һәр аҙымға самалатып шыр ырым
Йөрәк сүкей аҫылташтай шиғырын.
Ҡосам, тием, йыһандарҙы, мин осам,
Асман түгел, үҙ-үҙемде мин асам,
Тәңре белә – беҙ тылсымсы хәлендә
Ер һәм күктең ҡауышҡан бер мәлендә.
Рәнйеттем дуҫымды, яңылыштан сыҡты
Боролмала йәшенеп торған бер һүҙ.
Әйткем килде аҙаҡ: ниндәй генә булма,
Йөрәгемә яҡын алып хәлең,
Үҙем балҡып, булһа яҡты мәлең,
Һораштырып энәһенән-ебенә,
Төшмәһәм дә күңелеңдең төбөнә,
Алыҫта ла һинең менән ҡалам,
Айҙай тулһам нурым барып етер,
Бөҙрә ҡайын күшекһә лә ямғырҙа,
Тыныс тора, ҡаңғырмаған яңғыҙ ҙа,
Нескә бер тойомлау аша көтөп иземеңде,
Йомарт йәйҙәй асып ҡуйып ишегемде,
Ихласлыҡты, бар йәмемде шиғырыма туплап,
Эстән генә: «Кисер», – тип һорармын.
Ҡош сәләме ебәрәм күңелемдән –
Гөлнара ХӘЛФЕТДИНОВА тәржемәһе.
*Ысыаһ – яҡуттарҙың июнь аҙағында, иң оҙон көн тыуыу уңайынан үткәрелгән милли байрамы.