Дуҫлыҡ урамын йүнәтәләр

– Был урамдан алыҫ түгел белем биреү учреждениелары, балалар баҡсалары, дауахана бар. Бында өс транспорт туҡталышы урынлашҡан, ҡала маршруттары йөрөй. Юлды ремонтлау хәлде яҡшыртыр, юл хәрәкәте хәүефһеҙлеген арттырыр, – ти Башҡортостандың транспорт һәм юл хужалығы министры Александр Клебанов.

#миллипроект #нацпроект #национальныепроектыБашкортостан

Стәрлетамаҡта Дуҫлыҡ урамында ремонт башланды, тип хәбәр итә БР Транспорт һәм юл хужалығы министрлығының матбуғат хеҙмәте. Йүнәтеү эштәре 1,4 саҡрым оҙонлоҡтағы ерҙә алып барыла. Подрядсылар юл ситендәге таштарҙы ала, иҫке юл япмаһын фрезерлай. Артабан улар асфальт-бетон ҡатламын яңырта, юл ситтәрендәге ташты гранитҡа алмаштыра, билдәләр һыҙа.

“Хәүефһеҙ сифатлы юлдар” милли проекты сиктәрендә башҡарылған йүнәтеү эштәре 2024 йылдың июленә тиклем бара.

Фото һәм сығанаҡ – https://contenta.info/press_releases/749604#scroll.